Бириккен Улуттар Уюмунун (БУУ) Женева шаарындагы штаб-үйүндө "Түрк маданиятынын жумалыгы" башталды.
Жумалыкты Түрк мамлекеттер уюму, Түрк маданияты жана мурасы, Түрк академиясы менен биргеликте ТҮРКСОЙ уюму уюштурган. Бул тууралуу уюмдун баш катчысы Султан Раев "Азаттыкка" билдирди:
"Бул биз үчүн өтө маанилүү иш-чара. Анткени БУУнун штаб-кеңсесинде түрк маданиятын, түрк элдеринин руханий баалуулуктарын, өзгөчө өнөрүн көрсөтүү, түрк маданиятын таанытуу боюнча аракеттерибиздин чоң бир багыты. Кечээ иш-чаранын ачылышы чоң резонанс болду, аябай жакшы, жылуу пикирлер айтылды. Анткени БУУнун штаб-квартирасында алгачкы жолу ушундай маданий иш-чара өтүп жатат".
Султан Раевдин маалыматына караганда эки күндүк иш-чаранын ачылышы 22-апрелде болгон, 23-апрелде гала-концерт өтөт.
Иш-чарага Азербайжан, Казакстан, Кыргызстан, Өзбекстан, Түркия жана Түркмөнстандын искусство чеберлери, кол өнөрчүлөр, сүрөтчүлөр катышууда.(ZKo)
Facebook шеринеси