Бишкекте жалаң чет элдик жарандарды тейлөөчү сойкукана ачып, иштетип жүргөн кытай жарандары кармалды. Лермонтов көчөсүндөгү "Таатан" базарынын жанында жайгашкан караоке клубда сойкулук кылган деген шек менен 26 кыз кармалды. Ал эми негизги айып Кыргызстанда убактылуу жашап жаткан үч кытай жаранына тагылды. Алар азыр Бишкек милициясынын убактылуу кармоочу жайында камалып турат. Козголгон кылмыш иш боюнча тергөө башталды.