Назиктин күчү жана кино өнөрү

Бишкекте “Назиктин күчү жана көркөм өнөрдүн катаалдыгы. Аялдар Кыргызстандын киносунда” аттуу киноальбомдун бет ачары өттү. Анын автору Гүлбара Төлөмүшова. Китепте кыргыз жана совет киносунун легендасы Динара Асановадан тартып бүгүнкү күндө ата-мекендик кинематографияда иштеп жаткан кыз-келиндердин бейнеси сунушталган. Киноальбом улуу, орто жана жаш муун өкүлөрүнөн түзүлгөн он жети кино ишмерин камтыйт. Долбоорду “Роза Отунбаева демилгеси” фонду демилгелеп, ишке ашырган.