"Темир муштум" Акжол
Кыргызстандык мушкер Акжол Сулайманбек уулу жакында эле Орусияда профессионалдык рингде чемпиондук курга ээ болуп, күйөрмандарын кубанычка бөлөдү. 22-апрелде Екатеринбургда WBA ASIA (Азиянын бокс ассоциациясынын) чемпиондук куру үчүн беттеште венесуэлалык боксчуну жеңди. Акжол профессионалдык рингде 11 беттеш өткөрүп, бардык атаандаштарын жеңген. Былтыр WBC Asia (Азиянын боксчулар кеңешинин) чемпиондук курун тагынган. Кыргызстанга эс алуу үчүн келген Акжол Сулайманбек уулу "Азаттыктын" кабарчысы менен маек курду.